عم تنف …عم تنف الدني
عم تحكي حكاية المطر الجاي
عم تنف الدني ..مطر جاي
جاي ليغسل الأرض , الحجر,الشجر
ليغسل الدني كلها
راح اترك حالي مثل الزهر
بدي اتغسل بالمطر الجاي
يلا يا مطر ..يلا يا مطر
عم تنف الدني
عم تنف..تنف
امبارح هي
هي كانت عم تسأل عنه
ما عرف يخبرها إنه كان ضايع
تحت المطر…
شو بتعرف هي …
هي شو بتعرف عن المطر
خبرها يا شجر…يا شجر خبرها عن المطر
هي ما بتعرف شو يعني..شو يعني المطر
خبرها يا شجر كيف بيكون المطر
هي امبارح كانت عم تسأل عنك
ما بتعرف إنك ضايع بالمطر
خبرها يا قلبي ..كيف
كيف هالدني كلها بتفرح بالمطر
كيف بتفتح أيديها …و بتحضن حباته
كيف بدها تعرف , كيف
نحنا البشر بنخاف المطر
بنتخبا من المطر…شوف الشجر كيف بيحب المطر
شوف الأرض…الحجر..الدني كلها بتشتاق المطر
أنا ما بدي كون بخاف من المطر
روحي بتحب المطر
بترقص من فرحها بالمطر
عم تنف الدني..عم تحكي حكاية المطر الجاي
أجا المطر..أجا المطر
شوف الدني كيف عم تتغسل بالمطر
البيوت,الحجر,الأرض,الشجر
كله عم يضحك فرحان بالمطر
…………………..
…………
…..
للمطر روعة لا يعرفها إلا الشجر
و الأرض ستشكر المطر بربيع
و تكافئ السماء بأجمل الأزهار
أما نحن البشر
كيف سنشكر المطر؟!…
…
أيتها السماء شكراً لكل حبة مطر
غسلت أرواحنا كما يغسل الشجر
….
___________________________ياسمين علي