, فقال لي :انا معروف بالنزاهة ولا احد يستطيع ان يقول عني شيء وكل القضايا الصعبة يتم تحويلها الي لانهم يعرفون نزاهتي وانه انا لوح و ما بقبل الرشوة يعني اذا حدا بدو يقدم لي هدية الهدية واحد بيفكر فيها يعني في قول لسيدنا علي يقول الهدية تفقأ عين الحكيم طبعا انا مو حكيم وكمان تهادوا تحابوا بس يعني اذا جاء زوجك يمان وقدم لي مليون ليرة, قاطعته قائلة: ما معه مليون, قال لي: يعني بفكر اذا كان مالو حدا عندي بدو يطلعوه معناها هي هدية ما فيها شيء باخدها اما بحالة ثانية بفكر انا حققت مع كتيرين وعرضوا علي مثل ......... وغيره بعدين شوفي انا طول عمري عازب واذا دفعوا لي مال الدنيا حتى ازني بمرت فلان أو فلان أو فلان انا ما بزني بمرت حدا اسألي زوجتي انا ابدا ما ممكن ازني بمرت حدا مهما دفعوا لي وانا شبعت من الشغل انا موظف في الامن قبل البعث منذ عام /1969/ ستة وثلاثين سنة ماحدا حكى علي يعني ما بيخلوا الامر احيانا بس ما حدا بيثبت شي وانا بدي اترك وما بيهمني شي انا اسمي ع .م انا ما بقرب عيلة م.... الثانية هديك, انا من جبلة انا ابن فلاح وانا بفتخر بهذا الشي قلت له: يعني لا شيء يعيب في ان يكون الانسان فلاح بل كل من يكد يتشرف الانسان به, قال لي: يعني انا اذا بترك هلق بروح بشتغل بالارض بس هم لا يتركونني وانا اذا في شيء بدي اخدم فيه وطني انا ما بقصر وانا كلي شرف, قلت له طيب هذا المقال ما حرك فيك شيء؟ قال لي: هلق شوبدنا بالمقال خلينا في اللي عم نحكي فيه وهنا رن الهاتف للمرة الثالثة والمتصل هو مدير مكتب اللواء منصورة (الذي اتصل ثلاث مرات يطلب فيها اعادتي لاني كنت اسمع العميد يجيبه اننا لانزال ندردش قليلا) وفي المرة الثالثة سمعت العميد يقول له سارسل لك السيارة مع السائق و سأرسل عنصرا ليحضر سيارة ركانة لهون ليش المفاتيح مو عندكم يالله هلق باخذهم من ركانة وببعتهم منشان يجيبو السيارة, لسه في عنا حكي كتير, وعندها قمت على الفور وقلت له :شكرا انا احب ان احضر سيارتي بنفسي وافضل الذهاب بالسيارة التي احضرتني ,فقال لي: شو اليك بالمزة ابو عمار مو هنيك ومافي حدا هونيك, قلت له :انا عندي شغل في المزة, قال لي لا ماعندك, قلت له :معليش عندي شي وتوجهت الى الباب, قال لي: شوفي انت اول وحدة بتطلع من عندي هيك سالمة انا بقتل القتيل وبيطلع من عندي بيقلي تسلم ايديك ولك انا حققت مع اعضاء منتدى الاتاسي وطلعوا كتير مبسوطين من عندي لك انا حتى ما وقفتك كم يوم هون بالغرفة اللي جنبي وبعدين انت بعصبيتك وداخلة كأنك داخلة على جبهة ما خليتيني حبك يعني هلق انت طالعة من عندي انا ما حبتك بالعكس انا كرهتك وكل الناس بيكرهوك وما حتلاقي حدى يوقف معك وحق معهم اخواتك, قلت له بالعكس كل الناس حبوني وكتير من التعليقات كانت معي وكانوا الناس عم يدعولي ومنشان هيك شطبتوا المقال لانه ازعج اخوتي وعلى كل خبر محمد اني بعد الفصل اللي عمله اليوم واللي ماحدا عنده ناموس بيعملوه والله ح ورجيه اللي ما حدا شافوا, قال لي: ولك حاجة بقى ولك فضحتيهم كتير, قلت له: لسه ما شافو شي وخبر محمد وباسم البني اللي عطاك رقم موبايلي هذا الحكي قال لي هلق اياك ان تنشري شي واياك والاسماء اللي قلناه .......... فهمتي قلت له سانشر ما دام الدستور والقانون يسمح لي واذا كتير انزعج أ........ يبقى يرفع علي قضية, قال لي ولك بحبسك انا وهلق روحي انشري شوصار هون ولأورجيك ,قلت له سانشر قال لي ما تشوفيني انا قصير ولك انت ما بتعرفين ولك انا بملك اقلب نص البلد ولك اذا بدي بكرة بقلب نص البلد وبخربها وانا ما عم احكي هيك انا بملك . وعندها قلت له كتير منيح وانصرفنا وكانت الساعة عندها قد جاوزت منتصف الليل.وحمدت الله على خروجي سالمة وكنت اتساءل مع نفسي اين محضر استجوابي..؟ولكني تذكرت ( ...على اساس انه مسافر اليوم هيك خبرنا )
أوليس أولى من مساءلتي أنا الباحثة عن حقها والعدل مساءلة أولئك الذين يعيثون في الارض فساداً......؟
والله ما دمي ولا نقطة دم من خلق الله برخيصة

للاطلاع على صور المستندات التي لم اتمكن من تحميلها هنا يرجى زيارة موقع شبكة الآن و موقع مرآة سوريا