استفتاء إسلامي

والاستفتاء لغة طلب الفتوى، وأنا هنا أطلب الفتوى من أهل العلم والمعرفة في الاسلام.

يقول المصمم الإسلامي
شاركونا فلكم أجر عظيم باذن الله


هل صحيح أن من يشارك في إيذاء موقعي له أجر عظيم بإذن الله كما يقول المصمم الإسلامي في دعوته
المنتديات

التعليقات

الاسم الكامل
سلام الجهني
salam

salam كتبَ: عفوا أظن أن هذا الكلام رد على كلام سابق لم أجده هل هو في موقع آخر أم أنه محذوف؟ لأني لم أفهم كثيرا !!!
عفوا لم أنتبه إلى أن هذا الكلام مرتبط بما هو موجود في صفحة الموطن، لأني أدخل إلى المنتديات أولا و لم ألاحظ صفحة الموطن . عذرا ثانية
secular

حسب الاله النازي اللذي يعبدونه ... نعم لهم اجر عظيم.. وبالمناسبة الطرق و الاعمال التي يتبعونها بغرض دخول الجنة الها اول و ما الها آخر.. اه يا ريت تعرف شو عم يعملوا حتى يدخلوا الجنة على كتافي... المهم الطرق تبدا من التربية التي يتبعونها لاولادهم.. ولا تنتهي بحديث رد المنكر و اللذي عن طريقه يتدخلون في كل ما لا يعنيهم وهو بوجهة نظرهم :منكر... وخود هون على حشرية و زور (النظرة الشريرة), وكلام و احيانا ضرب وانتهاك حقوق الاخرين. اااااااااااه شغلة هالمجتمع يلي عايشين فيه يا استاذ ايهم......
الأيهم

أهلين علماني أنت الظاهر أنك مزعوج كثير من الجو الإسلامي في منطقتك، احكيلنا تجربتك. بتحب أفتح لك منتدى علماني، يعني كون موقعي يحوي منتدى إسلامي فلا يمنع أن يكون فيه منتدى علماني، شو رأيك؟
secular

الاستاذ الايهم.. اهلين فيك..وانا معجب جدا بشخصيتك و علمك, الناس متلك هالايام صاروا عملة نادرة.. انت غرضك الحقيقي تطوير بلدك و مجتمعك, وغرض الاخرين دوما دخول جنة مزعومة... بغض النظر عن الوسيلة, هالوسيلة يلي رح نضل ندفع تمنها حتى نموت, مو بس نحن, كمان مجتمعنا وبلدنا و اولادنا. للاسف كتب علينا التخلف و الجهل و الفقر حنى تنتهي الارض..
أنت الظاهر أنك مزعوج كثير من الجو الإسلامي في منطقتك، احكيلنا تجربتك.
احكيلك تجربتي؟؟ بدك ياني احكيلك 100 او 200 قصة بتصير معي في اليوم الواحد؟؟؟ برايك في مجال؟ في صفحة بتساع؟؟ طيب انشاء الله رح ضل على تواصل مع هالصفحة, بس الوقت الوقت يا استاذ.. هلأ بس من شوي كنت بالسيارة مع احد اقربائي, كنت قاعد من ورا ومن قدام كان قاعد شيييييييييييييخ من اكبر شيوخهم, شوف هالحكي يلي حكوه هم الاثنين لما مررنا قرب كنيسة دمر الجديدة: السائق(قريبي): سيدي شو رايك بهالكنيسة؟ الشيخ: والله انا ما بعرف , انا بستغرب بالحكومة كيف سمحوا ببنائها بهالمكان الحيوي, صار كل اهل دمر لما بدون يستدلوا او يدلو حدا بيقولو يسار الكنيسة و قبل الكنيسة و بعد الكنيسة. مو معقول هيك, شايف الصليب؟؟ والله بتعوذ 100 مرة كل ما عيني وقعت عليه و بلش استغفر ربي. السائق:(يضحك) الله يسامحهم, انا بشوف الحل الوحيد يبنوا شي جامع قريب.. الشيخ: ليش ضل ارض فاضية؟؟ اتطلع حواليك. السائق: (بعد تفكير) سيدنا.. ما في مجال الاوقاف تستولي على كم بناية؟؟ وتهدها و تبني شي جامع يكون نقطة علام؟؟ اذا ظبطت القصة منخلي مئذنة الجامع اعلى من برجهم , متل ما عمنعمل قدام كل كنيسة,يعني جامع جكر متل هالجوامع يلي بحلب و الشام و اللادقية ويلي انبنوا آخر 10 سنين قدام الكنايس حتى نذكر الكل بالله. انا جاهز للمساندة المادية. (قرايبي غني, ومشان هيك دائما الشيخ بيلزق فيه ) (يضحك الاثنان و ينتهي النقاش و يعودوا الى احاديثهم الروحانية) وانا جالس في الخلف ولست متفاجئا ابدا, فهذا النوع من الاحاديث يلازمني من الصباااااح الى المساء. شو رايك استاذ بالنماذج المصغرة لهتلر؟؟؟
بتحب أفتح لك منتدى علماني، يعني كون موقعي يحوي منتدى إسلامي فلا يمنع أن يكون فيه منتدى علماني، شو رأيك؟
يا ريت, بس هون عندي مشكلة, الوقت ,انا ما فيني اضمن ضل على تواصل لانو الشغل كابسني من الصبح للمسا, والمشكلة الثانية: لمين بدك تفتح هالفورم؟؟؟ يا استاذ, بس صار عندك منتدى علماني رح تنحجب صفحتك من كل الدول العربية, وفي النهاية انت لمين عم تحكي؟؟ نحن رح نصارع طواحين الهوا.. ممكن ناثر ب100 شخص او ب1000 شخص . بس فينك تاثر او تعلم مليار و ميتين مليون جاهل و امي و انسان خلق على هالتربية ورهنهلها وقتو 24\24؟ على كل انا بايدك, وانشالله رح شارك بهالمنتدى العلماني.وشكرا الك , وباذن الله الحضاري ما بسمع عنك الا الاخبار الطيبة... وانشلا رح فوت من وقت لوقت و احكيلك عمايالهم.
الاسم الكامل
سلام الجهني
salam

secular كتبَ: ممكن ناثر ب100 شخص او ب1000 شخص . بس فينك تاثر او تعلم مليار و ميتين مليون جاهل و امي و انسان خلق على هالتربية ورهنهلها وقتو 24\24؟.
لا يمكنك أن تقول عن هذا العدد هذا القول. يوجد ضمنهم ربما لن أقول آلاف بل افرض مئات أفهم مني و منك. صحيح أغلب المسلمين و العرب مغلّفين بس كمان فيه ناس بيفهموا و عقولهن مفتوحة ولو أنو النسبة قليلة. ليس المهم أن يكون الإنسان علماني أو مسلم أو ذنديق أو مسيحي أو يهودي أو أيا كان. المهم أن يُعمِل عقله بشكل صحيح. هذا رأيي.
الأيهم

يا استاذ, بس صار عندك منتدى علماني رح تنحجب صفحتك من كل الدول العربية, وفي النهاية انت لمين عم تحكي؟؟ نحن رح نصارع طواحين الهوا.. ممكن ناثر ب100 شخص او ب1000 شخص . بس فينك تاثر او تعلم مليار و ميتين مليون جاهل و امي و انسان خلق على هالتربية ورهنهلها وقتو 24\24؟
يعني أنت ضد أن تؤثر في 100 شخص؟ وإذا صارت لك فرصة ما بتحاول معهم؟ بعض الإسلاميين منفتحون ويرغبون بالحوار، وأنا أشجعهم على ذلك. وبعضهم محاورون أنداد مثل السيد نايف الذي أحاوره حاليا. منذ أن قرأت المادة التي لم أنشرها لهذا الشخص أحسست أنه شخص محترم لا يرغب فعلا بشتم الناس، ولكنه يختبرني ليرى رد فعلي. وأعتقد أننا قادرون على الاستفادة منه وعلى التفاعل معه بشكل إيجابي. ولذلك فأنا فعلا أرحب بالسيد نايف، وأتمنى منه التواصل معنا بشكل دائم.
fofo 101

السيد الأيهم : أحب أن أضيف كلمة بسيطة وهي أن موقعك (برأي الخاص )مهما كانت الموضوعات التي تناقشها فيها فهو منتدى حواري لا أكثر فيه الجيد لبعض الناس وفيه الإفادة لبعصهم الأخر وفيه أيضاً ما لا يتناسب مع أفكار البعض فمن يجد أن هناك في موقع ما شيء يتناقض وأفكاره فلمَ يدخله أو ينتقض مؤسسه فهذا لا يعطي أي كان الحق بهكذا دعوة وهي طبعاًبرأي الخاص دعوة لا فيها أجر ولا فيها شيء من الخير لمصلحة أي كان فنحن نأخذ حوارنا معك على مبدأ توسع المعلومات لكل واحد فينا وليس أكثر

إضافة تعليق جديد

لا يسمح باستخدام الأحرف الانكليزية في اسم المستخدم. استخدم اسم مستخدم بالعربية

Restricted HTML

  • وسوم إتش.تي.إم.إل المسموح بها: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • تفصل السطور و الفقرات تلقائيا.
  • Web page addresses and email addresses turn into links automatically.

دعوة للمشاركة

موقع الأيهم صالح يرحب بالمشاركات والتعليقات ويدعو القراء الراغبين بالمشاركة إلى فتح حساب في الموقع أو تسجيل الدخول إلى حسابهم. المزيد من المعلومات متاح في صفحة المجتمع.