إلى يعرب العيسى

لوز لوز
طلع اللوز
من لوزاتي
أحسن لوز

جايبلكم أول
أول قطفة
حتى تدوقو
تدوقو اللوز

اشتقنالك يا ديك المي
أنا مشتاق يا أهل الحي

وين آعد مش عم بنشوفك
أنا قاعد على برك المي

قاعد وحدي ما بدي مشاكل
خلوني لوحدي ما بحب المشاكل

عرفت باللي عم بيصير
ما بدي أعرف

صاير أشيا مهمة كثير
خلوني ما أعرف

خلوني عم غني
على برك المي
يا دنيي يا دنيي
على برك المي

على برك المي
عم تلعب صورنا
وببرك المي
عم تغرق صورنا

يا قمرنا
تفرج عصورنا

وبسهرنا
وبسهرنا ضوي
ضوي ضوي
ضوي عصورنا

على برك المي
عم تلعب صورنا
وببرك المي
عم تغرق صورنا

من صغرنا
وعم تغرق صورنا
وكبرنا
كبرنا وبعدا
عم تغرق صورنا


ديك المي
ديك المي
جايب لوز
لأهل الحي

خير السنة ورزق جديد
واللي طعمنا عمره يزيد

ديك المي
عمره يزيد

 

ليش مجمعين
مثل مانك شايف
عم نرقص ونغني
الله يطول عمر الملك

وشو مناسبة الرقص
اللوز
اللوز
إي نعم
أول قطفة جايبينا للأهالي

أول قطفة
صادروها
بس ما أقلتو أن اللوز ممنوع
أول قطفة للملك
الله يطول عمره شو ضرسه طيب
شو عم بتقول
وقفوه

خير السنة ورزق جديد
واللي طعمنا عمره يزيد
============
مقطع من ناطورة المفاتيح، مسرحية للأخوين رحباني، يمكن تنزيلها أو الاستماع إليها من هذه الصفحة

إضافة تعليق جديد

لا يسمح باستخدام الأحرف الانكليزية في اسم المستخدم. استخدم اسم مستخدم بالعربية

محتويات هذا الحقل سرية ولن تظهر للآخرين.
About text formats

Restricted HTML

  • وسوم إتش.تي.إم.إل المسموح بها: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • تفصل السطور و الفقرات تلقائيا.
  • Web page addresses and email addresses turn into links automatically.

دعوة للمشاركة

موقع الأيهم صالح يرحب بالمشاركات والتعليقات ويدعو القراء الراغبين بالمشاركة إلى فتح حساب في الموقع أو تسجيل الدخول إلى حسابهم. المزيد من المعلومات متاح في صفحة المجتمع.