باسم المسيح باسم محمد باسم الرسل و الأنبياء …. ما رأيكم نصلي لله مرسل كل الأنبياء؟ يعني نتفق ؟ يعني نصلي لنفس الإله؟ معقول !!! شو هالحلم و البساطة بحل الأمور ؟ إنه شو بدكن اذن؟ أي فهمت يعني اختلفنا على الله بس لأنه بيجمعنا معقول!!!! و أنا عم استغرب ليش كل هالعداء و الاحقاد و الاتهامات يعني ما بدكن تتفقوا !!! يعني لأنه الله بيجمعنا بعدنا عنه ليش شو الحكمة من إرسال الأنبياء؟؟ مش لحتى نوصل لله عبر الرسائل السماوية يعني الواحد اذا فكر شوي بيستغرب و بيقول عجيب هالبشر على شو مختلفين يعني بس لأنه الله بيجمعنا بعدنا عنه يا لطيف …يا لطيف شو عم يصير أنا بطلت افهم لأنه الواحد بس يفهم بيتعب اكتير ..اكتير قال ليش ما بيصر سلام و هناء ؟؟ صحيح ليش؟ شو هالسؤال السخيف و الله بطلت افهم شي أحسن ما فكر بشي و روح اتسوق اشوي عم يقولوا موضة الصيفية حلوة الواحد يتسلى بالموضة و بالفيديو كليب بيرتاح و بيسلم أمره للمسكنات قال مشكلة و حل ليش مين بده الحل ؟؟؟ إذا الله هو الحق و العدل و اختلفوا عليه على مين بدن يتفقوا ؟؟ ………… خلونا نحكي شوي جد لم أرسل الله الرسل ؟ أنا مابعرف .. بس بالفطرة الواحد بس يتأمل و يصغي شوي للسما ء و البحر و جمال هالكون و يتأمل طفل صغير و يداعب أصابعه البريئة بيشعر إنه في شيء أكبر من الإنسان شيء حلو كتير أكتر من زهر اللوز و أنقى من الياسمين و السوسن و أحلى من ضحكة طفل ما بعرف , هو شعور رائع بعدين بيصير الواحد يسأل مين وراء هالجمال؟ مين وراء هالخلق و الإبداع ؟ و بيضل الواحد يسأل ليش نحنا موجودين ليش بنخلق و بنموت؟ أسئلة ورا أسئلة بيكون الجواب هو الله وراء كل هالعطاء بيرتاح الواحد و بيدخل السلام على قلبه بالفطرة في عنا تساؤل بيوصل للإيمان حتماً بيوصل بس في ناس بتوصل بسرعة و في ناس بيمضى كل عمرها و لسى عم دور على الله بأخر لحظة بأخر نفس بتقول الله , الله موجود اذا الواحد اتأخر ليوصل مش يعني إنه كافر و ملحد هو ذنبه الوحيد إنه اتأخر لأنه الشك عنده كبير بس أكيد راح يوصل اكتير ناس بها الدني بلشوا حياتهم ما عندن إيمان و بأخر سنوات عمرن كتبوا أروع و أعظم الكتابات عن الله و عن الرسل عرفوا الله بعد رحلة طويلة و كان حبن لله قوي أقوى من كفرن لأنه الحقيقة أجمل و أروع و أقوى قوة الإيمان كبيرة كتير الحق بيعرف كيف يدافع عن نفسه بيعرف كيف يتقرب من البشر بيعرف يلاقي طريقه بس أحياناً بيطول ما في انسان كافر بالمطلق و لا مؤمن بالمطلق و حده الله المطلق و الحق على الأرض كل شي نسبي بالأخير الي بيعرف الله و بيحبه أكيد راح يعرف يحب كل الرسل و كل الصادقين حبنا لله بيعرف يخلينا نحب كل مخلوقاته ……… كان و مازال ديني لله و هو وحده الذي يحضر في دعائي و رجائي و هو وحده الذي بكيت أمامه دون خجل و إحراج و توكلت عليه في كل خطوة خطوتها و أخبرته بكل همومي و لم أخبره!!! فهو عالم بكل ما يجول بفكري قبل أن أنطق به كم مرة طلبت منك ألا تسألني عن الله فهو حاضر في كل ذرة مني أخيراً من يؤمن بالله يعرف كيف يحترم كل مخلوقاته و كيف و إن كانوا رسلاً طاهرين لندع الدين لله …. لا أحب الحديث عن الدين لسبب مهم و هو أن الدين و الإيمان هي أشياء شخصية جداً و ليس كل من يدعي أنه مؤمن هو صادق إن أردت أن تعرف ديني انظر في أعمالي و في صدق قولي و معاملتي لك عندما أصدق في قولي أمجد الله عندما أغفر لمن أساء لي أمجد الله أفعالنا هي ما يريد الله عندما نتذوق الجمال عبر وردة و نقول سبحان الله أليس نوعاً من ذكر الله تركيبة الإنسان و الوجود مبنية عالايمان بالفطرة الإنسان ميال للخير و للحب ….. حاجة تنظير الي بيسمعك بيقول بعمرك ما درست برمجة و تعاملت مع الاصفار و الواحدات شو نسيت لغة المنطق ؟ …. خيو المنطق عمره ما اختلف مع الاحساس بالاصل إحساسي و خيالي عبرت عنهم بالبرمجة بعدين البرمجة بتوسع الافق و الاحساس بيوسع الافق … يا صديقي أنت منطقي حلو اكتير هالشي بس بتفتقد للاحساس بكتير أشياء … بس كون أكيد أنا بملك المنطق و الإحساس لأني قدرت أنجح بالبرمجة و بلغة المنطق و بملك إحساس … متل مابدك أنا عم نظر باي ..باي يا منطقي ضروري الي بيتعامل مع الكمبيوتريتحول لمجرد ألة؟؟؟