لك اخ!!!! و لكن بعض النساء يقبلن بهذا الشئ و لا يزعجهن و هنا المشكلة! الذي يملؤني تفاؤلا هو كمية هذه الاحداث الان مقارنة بالماضي...

تعرضت انا للضرب والشتم والبزق بوجهي وشد الشعر من شخص لا أعرفه ولم اكلمه يوما أمام مرأى كل الناس، بالقرب من نفق جامعة تشرين عندما كنت ذاهبة الى عملي!

هذا يؤسفني كثيرا انسة سناء... من الامور شديدة الارتباط بهذه الحوادث هو مراقبة الاخرين و نشر " فضائحهم" لأن البعض يعتبر الحب عيب و فضيحة او ان ترتدي فتاة لنفترض تنورة كمان ما بيمشي الحال!

الانسة سماح... عن جد ما بعرف شو بدي احكي بس ما بقدر قلك غير طولي بالك .....فعلا شيء مؤسف ان تتعرضي لهكذا موقف ..... لك يا جماعة انا ما عم صدق انو نحن بال 2006 .... بس وحياتك هيدا الشخص يلي أسألك هيدا انسان مريض مرض مستعصي ويصعب علاجه و للاسف ان امثاله كثيرون في مجتمعنا و ما زالوا يحملون عقلية العصر الحجري .... و هنا اذكر القصة التالية عن سيدنا محمد (ص): " جاءت فتاة إلى النبي صلى الله عليه وسلم تقول : إن أبي زوّجني من ابن أخيه ؛ ليرفع بي خسيسته، وأنا كارهة . فدعا رسول الله أباها ، وجعل الأمر إليها ، فقالت : يا رسول الله قد أجـزت ما صنع أبي ؛ ولكن أردت أن تعلم النساء أنْ ليس للآباء من الأمر شيء." ... للاسف عندي حكي كتير بهالخصوص لكن قولا واحدا "لا يصلح الله ما بقوم حتى يصلحو ما بأنفسهم" عجوز ترجى أن تكون فتية وقد غارت العينان و احدودب الظهر تدس إلى العطار زينة أهلها وهل يصلح العطار ما أفسد الدهر عمار

أولاً مرحباً أنسة سماح و لا يهمك و كملي طريقك هيك لازم يكون الرد بالاستمرار و ليس الجلوس في البيت بهنيك لأنك شجاعة و مؤمنة بعملك العمل ليس من أجل العمل بل من أجل قضية و أنت إنسانة يبدو أن لك قضية أتمنى لك الخير و الاستمرار بقوة أكبر برجح إنه في ناس وصلوا الك رسالة عبر هالشخص الي تعرضلك هيدا تقديري و متل ما قلتي لو إنك فتاة قصدك الاغواء كنت لقيتي العشرات عم يدافعوا عنك لأنه للأسف زمن النخوة و المروءة ذهب و لن يعود للأسف للأسف بكل الأحوال كل انسان حر بارتداء ما يشاء و لا يحق لأي انسان أن يتهجم على الأخر تحت أي حجة بس فعلاً نحنا بغابة مودرن كتير كتير …. المشكلة عندما تطالب المرأة بحريتها بيفكروها عم دور عالفلتان و ما بعرف كيف بيفهموا الحرية قلائل الي بيصدقوا إن المرأة صاحبة قضية و انها جادة و مؤمنة بعملها الكل بيشوفها جسد جسد فقط هذه هي الحقيقة للأسف أتمنى أن نصل ليوم يعترف فيه مجتمعنا أن المرأة إنسان ( جسد و روح و قلب و عقل ) ….. بقدملك التعازي بوفاة صديقتك

إن كان البعض ينزعج من مطالبة المرأة بحريتها فأنا أطالب بإنسانيتي و حقي أن ينظر الي كانسانة لا أكثر و لا أقل أمرأة تحاول رسم الانسان الذي يسكنها انسان هل صعب يعطوا المرأة حق منحها اياه الله هو أنها انسان ...........

عفوا منك انسة سماح. كنت قليل التركيز اثناء كتابة الرد. ردي فهم عكس ما قصد . لم اسخر ابدا من اي شئ و انا لا اروج لاي عنف ضد اي مخلوق و انا من الاشخاص الذين يدافعون عن قضايا المرأة و ليس فقط على الصعيد الشخصي وانما اعمل في مشروع احد اهدافه قضية المرأة. عندما كتبت عن التنورة كان قصدي بأن المرأة -في مجتمعنا الرائع- تعتبر قليلة احترام حين ترتدي التنورة و هذه من الظواهر التي تدل على عدم تقبل مجتمعنا لكثير من الاشياء - بالمشرمحي قلة تطوره- لا اعمم و لن اتكلم عن مجتمعنا لكي لا انظر و لكنني اريد ان تعرفي ان ردي كان موافقا تماما لما كتبتيه و انا اقدر حسن اختيارك للمواضع باستثناء هيفا و اشكرك على مشاركتك المغنية و اتمنى لك كل التوفيق و ارجو ان لا تفهمي ردي او موقفي سلبيا لأنني لا اقصد اي شئ ... و انا اشعر بك و افهم فظاعة التجربة التي مررتي بها و بشاعتها و اتمنى لك و من كل قلبي ان لا تتعرضي ثانية لأي موقف من شأنه ان يزعجك او يزعج اي امرأة في مجتمعنا الرائع و حادثة صديقتك تؤسفني جدا و جل ما افهمه هو احساس فقدان صديق... رحمها الله تمنياتي بالتوفيق و اكرر اعتذاري عن سوء التعبير رضوان

اهلا انسة سماح

Toha كتبَ: وبما أنها الاضعف، وغير القادرة على الدفاع عن نفسها أو رد الهجوم من قبل الذئاب البشرية، خير لها ان تبقى في المنزل؟!

السؤال ليس لك بل لكل امراة لماذا غير قادرة على الدفاع عن نفسك؟ لماذا ترين نفسك الاضعف؟ القوة والضعف لا يورثان ...هما فعل -واركز على كلمة فعل- شخصي يتدخل المجتمع في تكوينه الى حد بسيط فانا لا انتظر المجتمع ليقرر بحقي اي قرار حتى لو كان هذا المجتمع في اغلب الاحوال هو الدائرة القريبة منا جدا. اعتقد ان كل ما تريدينه يمكنك تحقيقه والفارق البسيط بين ان تحققيه وانت امرأة وبين ان تحققيه وانت رجل هو شوية تطنيش وقوة شخصية و ارادة زيادة. [ تم تحريره بواسطة منار وسوف on 28/5/2006 ]

انا مع الانسة منار ... ربما هذا ما ارد قوله... ولكنني لم اعرف كيف اعبر...

رائعتي سماح أنا معك مش لأني انثى بس لأنها الحقيقة المرة الحقيقة الي بتظهر بشاعة نظرة المجتمع للمرأة ما حدا بيحب يحكي عن الموضوع بجرأة متل جرأتك لأنهم بيخافوا من الحقيقة , الحقيقة بتجرح نحنا مش عم نطالب بحقوق الانسان الي عم تنتهتك بالشارع أمام أعين الجميع نحنا أولاً عم نطالب يعتبروا المرأة انسان بعدين الخطوة التانية بدنا حقوق هالانسان للأسف يا سماح للأسف كل ما حكينا عن حرية المرأة راح نواجه عنف أكتر أكتر بتعرفي ليش لأن قسم لا بأس من الي عم يطالب بحرية المرأة لسه لحد اليوم مش فهمان أو مش قدران يوصل مطالبها الكل لما بيسمع بحرية المرأة بيفكر بالسيء و بالسلبي يعني بيكفرها و بيفكرها عم تبحث عن قلة الاخلاق و إنه تكون سلعة بيد الرجل هي الصورة الخطأ الي لازم المرأة تعرف توصلها المرأة الحرة سيدة نفسها هي حتى بترفض تكون ملك حبيبها فما بالك تكون ملك الاخرين نحنا ما بدنا نكون ملك أحد و لا حتى جسدنا مش عم ندور على عبودية الجسد و لاحتى الجنس و لا أي عبودية بدنا نكون انسان صعبة هالشغلة بالاخير الخطأ واضح و هو واحد سواء ارتكبه الرجل أم المرأة و الخطأ مش مذكر و لا مؤنث المشكلة إنه قضية المرأة مش عم توصل صح و للأسف مجرد ذكر كلمة حرية عم يربطها المجتمع ( بالحرية الجنسية) شوفي الظلم هي الصورة القاسية و الظالمة بحق كل انثى بعض الرجال الي عم يدافعوا عن حريتها كمان بدهم اياها الهم في كل وقت و في كل مكان يعني هي عبودية و لسه عم يفكروا فيها جسد بس بفارق إنهم عم يتستروا تحت شعار إنه نحنا مع حرية المرأة عم قلك البعض البعض مش الكل …. الحرية الحقيقة الي عم نبحث عنها انهم يبطلوا يشفونا مجرد لحم يعني يحكوا معنا عادي و يناقشونا عادي و يتحاوروا معنا عادي و يتطلعوا فينا عادي بشكل طبيعي لحتى نبني مجتمع صح و نعرف نعيش بسلام و نبطل نخاف من الانوثة الي صارت عبء و رعب و مأساة ….. أما العنف مرفوض تجاه المرأة أو الرجل العنف مرفوض تجاه الانسان و حتى الحيوان …. شوفي عالمجتمع الظالم لما بيشوف المرأة عم تنضرب و تهان كرامتها أمام أعين الناس الكل بيوقف يتفرج و الحجة إنهم ما بيدخلوا بشيء ما بيخصهم علماً إنهم ليلاً و نهاراً عم يدخلوا بحياتنا بس عند الضرورة بيصيروا أوادم و ما بيحبوا بدخلوا بالخصوصيات شوفي النفاق على مين عم يضحكوا ….. قضية المرأة هي قضية إنسان إنسان … كأنه صعبة يصدقوا إنه المرأة بني أدم و إنه روحها من عند الله و صعبة يصدقوا إنه الرجل و المرأة خلقوا من نفس وحدة يمكن صعبة يتصوروا إنه المرأة بتكره نظرة الشهوة الى بتشوفها يعيون الرجل حتى لو كان حبيبها بشع اكتير اكتير أنك تشوف نفسك بعيون الاخرين مجرد كتلة لحم متلك متل أكلة طيبة بيشتيها البعض صعبة و مقرفة و عم نعاني كتير منها و السبب إنه هيك سوقنا الاعلام و هيك عم يروجوا للمرأة و هيك عم ندفع الضريبة من كرامتنا و أنوثتنا بدنا يشوفونا انسان انسان …حتى بدون تاء مربوطة اذا كتير عم تعقد هالامور ما بدنا التاء بدنا الانسان …… بعمرها الحرية ما كانت ببتعارض مع الاخلاق الانسان الحر هو انسان مسؤول و هو انسان ضميره حي يعني هو انسان بيعرف الصح من الغلط و بيعرف لوين رايح و شو بده من الحياة اي بتستحق الانثى نحكي عنها لأنها عم تعاني اكتير كتير و ما حدا بده اياها حرة لأنهم وقتها بيخسروا الجسد الى عم يسعوا اليه بكل الوسائل و تحت كل المسميات الدين و الحياة المدنية و الحرية و لا مسمى عرف ينصف المرأة لأنه بكل المسميات عم ينظروا اليها جسد و ليس انسان هي مجرد متعة فقط باللاوعي هي هيك تحت شعار أنك حرة أيتها الانثى و هي كل الوقت سلعة بين أيديهم يعني بطل فينا نبيع علبة شامبو بدون ما تستهلك المرأة فينا نستفيد من جمال المرأة في عالم التسويق متل ما بنستخدم الورد و الشجر و السما و الطبيعة لنظهر جمال الخالق بس مش بها الطريقة المشوهة و المقرفة الي بتجرح كرامتنا و بتشوه الانثى الانوثة مش عيب مش عار بس مش بهالطريقة اللانسانية و الاحضارية و اللامقبولة الموضوع طويل طويل طويل ……. اسمعي هالقصة رفيقتي تركها خطيبها يا حذرك ليش ؟؟؟؟ أثناء الخطوبة انعزموا لحضور حفل زفاف اخته و بتعرفي بأغلب الحفلات بتشعل الدبكة و الرقص و الكل الفرحان و مبسوط هي رفيقتي ما بتعرف لا تدبك و لا ترقص بتحب تتفرج و تنبسط بس ما عندها هالميول الرقص و ما غيره رجع خطيبها زعلان و راح يكسر الدني و رمالها الخاتم قال شو خاطب بنت ما بتعرف ترقص معقول في بنت ما بتعرف تهز و تدلع و تتغنج معقوووووول !!!!!!!!!!!!!!! وقتها صارت تبكي و زعلت كتير حاولت اقنعها انها ما تزعل و إنه ما بيستاهل دمعة وحدة و انها هي الصح و هو الغلط بس هي بتحبه و قررت تعمل دورة رقص شوفي لوين وصلنا قال دورة رقص بعض الشباب هم سبب تراجع أخلاق البنات مش العكس كله عم يدور على رقاصة و بنت غنوجة و مايعة و تافهة بينسى انها بدها تربي أجيال و انها بدها تبني المجتمع بينسى إنه الاهتمام بثقافة و عي و رقي المرأة هو الي بينتج أجيال راقية و انسانية و حضارية يعني صار الرقي بالرقص و المياعة و قلة الادب كيف ما اتجهنا بنشعر انه المرأة عم تنوضع بخانة غلط ….. زمن العجايب يبدو رفيقتي صارت من الزمن الحجري بطلت عالموضة و بطلت مودرن و ما بتفهم بالحرية …. شفتي كيف بيستغلوا حرية المرأة حريتنا غير الحرية الي عم يدورا عليها عالاقل من وجهة نظري و حسب قناعاتي …. برجع و بقلك بكل العصور و بكل المجتمعات المرأة لسه ما أخذت حقوقها لسه عم يعتبروها مجرد سلعة لاشباع الرغبات حتى بالمجتمعات الغربية الى بيدعوا الحضارة الكل عم يظلم المرأة ……. و الله بدنا دورة كاراتيه و قبلها رقص لحتى يمشي حالنا بها الزمن …….