بشرى سارة

ارجو منكم ان تهللوا معي وتبتسموا لانه اصبح لدينا في مدينة جبلة " نادٍ للعراة " وذلك على كورنيشها الذي يعتبر الملجا او المتنفس الوحيد لأبنائها.
فتخيلوا معي المشهد الذي هو عبارة عن مجموعة شبان عاريين من كل شيء الا الشورت فقط ويتقاذفون الكرة والشتائم في ما بينهم والصراخ والضجة تملآن المكان وتمنعان المارة من الاقتراب خوفا من ان تصيبهم الكرة الطائشة !
حين رايت الأمر قمت بفرك عيني لأبدد حلمي لكن وياللروعة لقد كان ناديا حقيقيا !
بعد ان انتهيت من نوبة الضحك الجنونية طبعا هربت لانني خفت ان يحملني احد العراة الشويطة ويركلني أحدهم كما كان يفعل بالكرة , فاستدرت وقلت لصديقتي التي كانت معي : لا تستهجني الموضوع " الجماعة متأثرين بالفريق البرازيلي الذي يتلقى تدريباته على الشاطىء او في الحواري !!"
واخيرا وليس آخر هذه لن تكون المهزلة الوحيدة في جبلة
لانني اتوقع قريبا ان يصدر قرار ينص بعدم اقتراب الفتيات من الكورنيش وهذه الحادثة وغيرها ما هي الا لتطفيش اي فتاة تحترم نفسها ولمنعها من التدرج على الكورنيش بما ان عناصر الامن نائمة باستمرار .

[ تم تحريره بواسطة Toha on 2/7/2006 ]
المنتديات
سماح محمد العلي

التعليقات

عربي

الى المشاغبة توحة التحتوحة كما يطلق عليك اخوك المحترم انت من النوع اللي ما بيشوف شغلة فورا ليكون كتب عنا , ما اسرعك يا فتاة بنقل الحدث وبتحويله الى قنبلة عند انفجارها سنبتسم بالتاكيد يعني انت قلتيا هالشباب المسلخين كانوا متاثرين بمبارايات كأس العالم ومن الفرحة " ياعيني وقلبي " شلحوا تيابون ههههههههه وبالنسبة لريد la tefhameh galat la2ano bejoz ma 3emrom 3eref bent mo7tarameh
30-06-2006 الرابط الثابت
bccline

لانني اتوقع قريبا ان يصدر قرار ينص بعدم اقتراب الفتيات من الكورنيش وهذه الحادثة وغيرها ما هي الا لتطفيش اي فتاة تحترم نفسها ومنعها من التدرج على الكورنيش بما ان عناصر الامن نائمة باستمرار .
نيالكن بجبلة لسة عنكن شي اسمو كورنيش ؟؟؟يعني الحمد لله على قولك لسه نص المجتمع (الذعران ) قادرين يتمشوا ويهيصوا عليه .....؟؟؟ الحمد لله بفضل التطوير والتحديث باللاذقية ..باعوا ( قصدي يعني عملو مشاريع استثمارية داعمة للاقتصاد ..والسياحة ومن هالحكي يعني ..... )كل اراضي الكورنيش للخليجين ( اخوتنا في القضية ) واصحاب الطبقة XXXX.....؟؟؟؟ ْْشركائنا في بناء الوطن ... يعني ناد للعراة ولا ناد للاغنياء .... شي سنتين منقول ... الله يرحم ايامك يا كورنيش ... بيقولو انو كان هون كورنيش باللاذقية وكانت العالم تتمشى هون ... بس انا معتمد على كلامك هاه ... انو هدوك نائمين .. ... فخلي الكلام همس ... [ تم تحريره بواسطة bccline on 1/7/2006 ]
30-06-2006 الرابط الثابت
red1

la tefhameh galat la2ano bejoz ma 3emrom 3eref bent mo7tarameh
o.k had ra2iak istaz... ma3 inu 7adrtak ma bta3rfni u mabta3ref al ausat ili bt7arak fiha bes ana b7trem ra2i 7adrtak ... la2anak sha5s bistahel al i7tiram... ta7iaty ilak istaz :) [ تم تحريره بواسطة red1 on 1/7/2006 ]
30-06-2006 الرابط الثابت
عربي

ok dear thx for your kindness and i respect your opinion too وعراسي احترامك بالعربي والانكليزي والنسكريتي لو كنت انا ما بعرفك غير من خلال القلم والالم والورق والمنتدى ...... with big regards
01-07-2006 الرابط الثابت
منار وسوف

كيفك سماح...اشتقنالك ياستي انت بتعرفي اني انا مني من اللاذقية بس كنت مهمة عمل رسمية مدة 3 ايام فيها ...تاني يوم قررت اعمل مشوار المشي تبعي قبل بداية الدوام ع الكورنيش الجنوبي بالهوا اكتر من المنعش والجو الاروع واروع بس شو بدي احكيلك؟ التلطيش... سيارات غريبة ...عزائم وشتائم كلها من مستوى بيشرف...حسيت حالي اني مني بالاذقية ...اني بالشاغور او بالميدان محلات الشام اللي قمة بالتعصب هون البنت اللي مانها محجبة بتحس انها علقت بديسة...اخر شي اضطريت اركب تكسي وارجع فورا على مكان اقامتي... انا بحزن عنجد لما بحس انو الجمال شو ماكان في ايدين عم تشوهو.....
03-07-2006 الرابط الثابت
Toha

منورة .. مرحبا انا بخير الحمدلله ومشتاقتلك يا منورة ضحكتيني هلق بكلامك لانو من فترة حكتني رفيقة الي متحجبة واتحدتني قالتلي براهنك يا سماح اني بروح بارغل عالبحر انا واختي لحالنا الساعة 1 الصبح ومنضل للساعة 4 وانت مافيك تروحي عالبحر الساعة 9 المسا انا ماصدقت لحتى طلبت من خي ياخدني 2 الصبح وفعلا لانا متحجبة ماحدن بيتعرضلا او بيحكيا لانو بتعرفي الشعر مقدس واللي مابتغطي شعرا متل اللي كاشفة عورتا وهذا عيب , مابيصير منار رح قلك شي انا مابتعرفيه انا من 7 سنين رمت علي بنت متحجبة ومعا واحد مية نار او اسيد عا وجهي لكن بفضل الله ووالدي الدكتور رجع وجهي متل ماكان بدون ما اعمل اي عملية تجميل وتوفت رفيقة الي من جبلة من بيت معلا لاقوا راسا مقطوع عباب غرفتا الجامعية شو بدي احكيلك انا هي الحرية الي بدي ياها اني اذا رحت رياضة او حبيت اشرب نسكافيه او اتغدى بمطعم لوحدي مايفكروني انا وغيري بنات هوى او عنا راندفو وعالمجتمع ووسخو تفو لا ميت تفوو وعندي سؤال بتمنى لاقي جواب عليه عندك؟ برأيك طالما الشعر مقدس كتير ليش الله خلقو بأقذر مناطق الجسم واللي بتسبب تعرق واوساخ؟!!!! وشكرا سلميلي عالكربوج
05-07-2006 الرابط الثابت
Toha

تنقال اقوال اللي قال الي , ماحدن قلي هذا الواقع طيب ممكن اسالك سؤال جاوبني انت عنو بصراحة ليش الرجل ما بيتحجب ؟ واذا ماعرفت ارجو من شخص اخر الاجابة بدي اعرف ليش الرجل مابيتستر
05-07-2006 الرابط الثابت

إضافة تعليق جديد

لا يسمح باستخدام الأحرف الانكليزية في اسم المستخدم. استخدم اسم مستخدم بالعربية

About text formats

Restricted HTML

  • وسوم إتش.تي.إم.إل المسموح بها: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • تفصل السطور و الفقرات تلقائيا.
  • Web page addresses and email addresses turn into links automatically.

دعوة للمشاركة

موقع الأيهم صالح يرحب بالمشاركات والتعليقات ويدعو القراء الراغبين بالمشاركة إلى فتح حساب في الموقع أو تسجيل الدخول إلى حسابهم. المزيد من المعلومات متاح في صفحة المجتمع.